Gamlebloggen

Gamlebloggen - Gloppen Lappe- og Quilteklubb
Her ligg mange lenkjer til bloggar og butikkar.

søndag 15. januar 2017

Januar-møtet.

Dugnadskveld for Søstre for søstre! Det var første gongen vi var samla på den flotte, nye kunst- og handverksavdelinga på ungdomsskulen. Det blei produsert mange fine toalettvesker. Dette er andre gongen vi har dugnad for dette føremålet.







Vis og fortel!

















Innkalling til årsmøte 2017

Årsmøte

onsdag 1. februar kl 18

på formingssalen på Gloppen Ungdomsskule.

Eventuelle saker må meldast til styret innan 18. januar.

Vel møtt til årsmøte!

Reidun Skalle Midtkandal
leiar

tirsdag 10. januar 2017

Klubbmøte 11. januar 2017

 Vi møtast til dugnad  i lappeklubben onsdag 11. jan. kl. 18. 

Vi skal få ta i bruk dei nye lokalitetane på Gloppen Ungdomsskule. Inngang som før, på framsida.

Arbeidsoppgåva på denne klubbkvelden er å gå saman og sy toalettvesker til Søstre for søstre. 
Her er bilete som Liv Ingunn har sendt på Facebook-gruppa. Ho kan ikkje møte, men har levert 2 stk til dette prosjektet!

søndag 4. desember 2016

Julemøtet på Gloppen Hotell!

Lappe- og quilteklubben hadde juleavslutning på ærverdige Gloppen Hotell, siste onsdagen i november. Vi fekk servert nydeleg buffet og dessert, og vi fekk foredrag av Ove Eide om historia til Gloppen Hotell. Han har nyleg gitt ut ei bok om dette, Laks, lordar og lokalmat.

 Vidare var det vis og fortel som mellom anna bar preg av jul, kurs med Randi Røys og ein klubbaktivitet vi kalla cross-cut-metoden. Gåveutdeling var det og. 

Bileta under får tale for seg, det er utruleg god aktivitet og dyktige medlemmar i klubben!